亞細亞訪韓聖會

今次真係有好大既得著,
信主2年,
我從未試咁專心咁投入去敬拜主,
而且幾乎每首歌都好有感動,
同埋第1次跳舞去敬拜, 真係好多謝主

仲有, 係7餐禁食入面, 我居然冇胃病, 多謝主
平時只要食唔定時, 唔食野就會胃痛到想死
唯一一次FEEL到想痛, 禱告後, 主亦都醫治左我

另外, 主真係好好
當我聽到D姐妹話有金粉,我就同主講, 我都想試下, 求你俾我知道你係同我同在啦
第2日主就應允左我 Amen :)
仲有臨走果日, 主又再一次賜金粉俾我
我覺得金粉就好似爸爸獎勵自己仔女咁, 拎到果時真係好開心, 開心到喊 :)

經過今次訪韓, 自己靈命上真係成長左好多
感覺主真係好似我爸爸咁,
無論何時何地都會看顧住我, 聆聽住我, 保守住我
佢係呢個世上最愛我既人, 而我亦都應該最愛佢
所以我地做任何野都係諗住主, 唔好令佢失望

雖然有時有d禱告冇答覆, 其實係主另有安排
我地覺得好既野去求主俾我地, 但係係主眼中未必係最好,
而只要我地肯放手, 馴服, 佢就一定會俾最好既野我地,因為父親永遠都係俾最好既野兒女
仲有就係學到凡事包容忍耐,嘗試係人地角度諗

有個牧師講過,
鐵達尼係因為少左2萬5千頓而沈得咁快
如果我地每日靈修禱告讀經每樣少小小
咁我地都會好似鐵達尼咁好快會沈
呢個真係好encourage 我, 所以我決定我以後都要番早禱 :)

主又好似開左我靈裡面對眼咁,
令到我睇得穿魔鬼係咁嚇我, 攻擊我, 以致冇掉入佢地既圈套
最後既就係, 而家好自動咁做每一樣野都係好想去榮耀主
好想令神喜悅
仲有就係學識凡事依靠

今次番到黎, 唔單止個喼爆左
我靈裡都俾主塞爆左
我真係好愛主呀!!!!!!!
希望我呢一刻既火熱可以Keep 住同埋不停Reheat 啦 :)

記得細細個去探你,
你總係會捉住我叫我叫下你, 同你傾計

最記得就係你每年既利是都會用萬金油封口:)

每逢放假, 大時大節都會同媽媽去探你
你成日都會好熱情, 有時其實會有d怕你
仲成日叫我叫你, 我都有時覺得好煩
不過我都知你都係因為太寂寞

近呢幾年你入左老人院,
我睇住你由好生猛去到唔識講野

如果上個星期四我冇去到Tram
我都仲可以見到你最後一面

琴晚突如奇來既消息
呀婆喊到腳軟
媽媽係房喊
雖然我冇係人面前表露任何感情
不過,
我真係好唔捨得你
太婆,
Rest in peace and god bless u